“You’ve got to make the most of your oportunities.”

Killing Ground er grótharður kjarni frá Ástralíu, en þeir hafa í gegnum tíðina skilað okkur nokkrum frábærum hryllingsmyndum eins og Wolf Creek, Rogue, The Loved Ones og Razorback. Þessi mynd fjallar um ungt par sem fer í tjaldútilegu á fallegum stað. Þau tjalda rétt hjá öðru tjaldi en verða ekkert var við fólkið.

Auðvitað gerast svo slæmir hlutir en það er ekki hvað gerist heldur hvernig það er byggt upp sem skiptir máli. Myndin nær að skapa ónotatilfinningu sem verður verri og verri þar til öflugur skátahnútur hefur myndast í maganum. Myndin minnti mig mest á Eden Lake frá 2008 sem var líka mjög góð. Þessi mynd er alls ekki fyrir viðkvæma en þeir sem þora fá góðan skammt af hræðslu.

“Is he alive?”

 

Leikstjóri: Damien Power